Ja çfarë sëmundjesh ju shkakton gjumi i tepërt

Numri i orëve të cilat kalojmë duke fjetur natën, mund të kenë ndikim themelor në kujtesën tonë. Një studim i publikuar në revistën shkencore “Neurology” ka zbuluar se gjumi i tepërt mbi 9 orë gjatë natës, dyfishon rrezikun e demencës.

Nëse përveç gjumit të tepërt bëni edhe një jetë pasive, rreziku gjashtëfishohet. Studimi i zgjatur për dhjetë vjetë u zhvillua nga Boston University School of Medicine (BUSM), në Shtetet e Bashkuara të Amerikës.

 

Ai ka zbuluar se ata persona që flenë shumë, e kanë trurin edhe në volum më të reduktuar.

Megjithatë studiuesit thonë se ka shumë mundësi që gjumi i tepërt të jetë një simptomë e demencës, më shumë se një shkak, por gjithsesi nuk këshillohet të flihet mbi 8 orë gjumë.

Kapet gjallesa e rrallë në ujërat e Vlorës, shokohen peshkatarët

 

Ndryshimet klimatike kanë sjellë specie të rralla në ujerat tona.Një peshk i rrallë i quajtur ‘Ruveto’ ka rënë në rrjetat e peshkatarëve vlonjat,të cilët janë shprehur se një peshk i tillë nuk është parë asnjëherë më parë në ujerat e detit Jon dhe Adriatik.

Sipas biologëve bëhet fjalë për një specie që jeton në thellësi shumë të mëdha, që variojnë nga 600 deri në 800.‘Ruveto’ sipas peshkatarëve është i konsumueshëm, por përmban shumë yndyrë, pasi edhe emri ‘Ruveto’, shpesh nga biologët quhet dhe ‘peshku Gjalp’.
Si pasojë e ndryshimeve klimatike periudhën e fundit ka pasur një rritje të peshkut ton i cili gjithmonë edhe më tepër bie në rrjetat e peshkatarëve. Ndërkohë çdo ditë e më shpesh po shfaqen edhe gjallesa të egra të detit si peshkaqenë apo edhe delfinë.

 

 

 

 

10 mijë euro ryshfet iu gjetën kryeinspektorit Binaku në xhepa e në shtëpi

Dhjetë mijë eurot e marra ryshfet i kishte ndarë në dy pjesë kryeinspektori i Punës në regjionin e Prishtinës, Muhamet Binaku.

Një pjesë i kishte lënë në xhepa e një pjesë i kishte dërguar në shtëpi, pak orë para se të arrestohej nga Policia e Kosovës, në shtator të vitit të kaluar.

Pajisje teknike për incizim, policë vëzhgues, si dhe para të shënuara ishin përdorur për të zënë në flagrancë kryeinspektorin teksa po merrte ryshfet nga kontabilisti i kompanisë “All Zone”, Liridon Zogiani, i cili në bashkëpunim me policinë ka qenë pjesë e masave të fshehta.

Binaku, së fundi, është akuzuar nga Prokuroria Speciale e Kosovës për veprën penale – marrje ryshfeti. (Detajet mund t’i gjeni në numrin e sotëm të Kohës Ditore)

 

Ushtria e Maqedonisë e gatshme për bashkëpunim me FSK-në

Komandanti i Forcës së Sigurisë të Kosovës, gjenerallejtënant Rrahman Rama priti sot në vizitë shefin e Shtabit të Ushtrisë të Republikës së Maqedonisë, gjenerallejtënant Metodija Velickovski, i cili u shpreh i gatshëm për bashkëpunim qoftë në fushën e arsimimit të kadetëve të FSK-së në Akademinë Ushtarake në Shkup, qoftë me pjesëmarrje në trajnime të përbashkëta në Qendrën e Kërkim- Shpëtimit në Pomozotin apo në Poligonin Ushtarak në Krivollak.

Sipas një komunikate të FSK-së, shefi i Shtabit të Maqedonisë u prit me ceremoni ushtarake nga Njësia Ceremoniale dhe Orkestra Frymore e FSK-së.

Komandanti i FSK-së, gjenerallejtënant Rrahman Rama dhe ministri Haki Demolli, ku ishte edhe zëvendësministri Muhamet Latifi, zhvilluan takime të ndara me shefin e Ushtrisë së Maqedonisë, gjeneralin Velickovski, të cilin e falënderuan për bashkëpunimin e deritashëm ndërmjet FSK-së dhe Ushtrisë së Maqedonisë, si dhe e njoftuan me të arriturat e përgjithshme të FSK-së.

“Ministri dhe komandanti u shprehen se marrëdhëniet dhe bashkëpunimi ndërmjet Ministrisë dhe FSK-së me Ministrinë e Mbrojtjes dhe Ushtrinë e Maqedonisë janë në nivel të lartë dhe treguan gatishmëri për vazhdimin dhe thellimin e këtij bashkëpunimi, duke u bazuar në raportet e mira ekzistuese dhe në konkretizimin e marrëveshjes së bashkëpunimit ndërmjet dy forcave dhe të dy vendeve”, thuhet në komunikatë.

Përveç takimeve me ministrin Demolli dhe komandantin e FSK-së, gjeneral Ramën, delegacioni maqedonas në përbërje ambasadori i Republikës së Maqedonisë në Kosovë, Ilija Strashevski, kolonelët Donche Kuzmanov, Zoran Dodevski dhe Goran Nelovski si dhe nënkolonelët Mile Markovski dhe Besnik Emini, zhvilloi një takim edhe me një delegacion të MFSK-së, të përbërë nga gjeneralët; Bashkim Jashari, Zymer Halimi dhe Gëzim Hazrrolli, koloneli Fadil Hadërgjonaj dhe nënkolonelët Ali Krasniqi dhe Ismajl Brahimi. Me këtë rast nënkoloneli Agron Bajrami, drejtor i Departamentit për Transformim, Modernizim dhe Standardizim, mbajti një prezantim të shkurtër me temën: “FSK dhe planifikimi për të ardhmen”.

Delegacioni nga Maqedonia i shoqëruar nga komandanti i FSK-së gjeneral Rama vizituan Qendrën për Studime Universitare të FSK-së në kazermën “Adem Jashari”, ku nga komandanti i saj, major Avni Kiqina, u njoftuan me aktivitetet e kësaj qendre. Dhe me pas vizituan Regjimentin e Mbrojtjes Civile në Pomozotin, ku u pritën nga komandanti i këtij regjimenti, kolonel Shaip Haziri, i cili përveç tjerash e njoftoi shefin e Shtabit të Ushtrisë së Maqedonisë edhe lidhur me funksionimin dhe kapacitetet e Qendrës Trajnuse të Kërkim-Shpëtimit.

Komandanti i FSK-së gjeneral Rama me shefin e Shtabit të Ushtrisë së Maqedonisë, gjeneralin Velickovski dhe së bashku me dy delegacionet, përcollën nga afër demonstrimin e pjesëtarëve të Kërkim-Shpëtimit Urban.

Ndërsa shefi i Shtabit të Ushtrisë së Maqedonisë, gjenerallejtënant Metodija Velickovski, shprehu kënaqësi të veçantë për bashkëpunimin e mirë ndërmjet Ushtrisë së Maqedonisë dhe FSK-së, si dhe përgëzoi pjesëtarët e FSK-së, për demonstrimin e tyre me sukses.

Ai ritheksoi gatishmërinë për bashkëpunim edhe në të ardhmen, qoftë në fushën e arsimimit të kadetëve të FSK-së (nga radhët e komuniteteve) në Akademinë Ushtarake në Shkup, qoftë me pjesëmarrje në trajnime të përbashkëta (kadetët) si në Qendrën e Kërkim- Shpëtimit këtu në Pomozotin apo në Poligonin Ushtarak në Krivollak.

Në fund të dy gjeneralët Rama dhe Velickovski, vlerësuan bashkëpunimin e deritashëm si mjaft të frytshëm dhe theksuan që edhe në të ardhmen ta zgjerojnë këtë bashkëpunim edhe në fusha tjera, duke ndarë eksperienca bashkë

Stojanoviq insiston: Nuk kthehemi në institucionet e Kosovës, pa u themeluar Asociacioni

Zëvendëskryeministri i Kosovës, Branimir Stojanoviq, ka deklaruar sot se derisa nuk shfaqet vullneti i qartë për formimin e Asociacionit të komunave serbe, siç janë dakorduar Prishtina dhe Beogradi zyrtar në Bruksel, do të ishte një arsye e ligjshme që serbët të kthehen në institucionet e Kosovës.

Ai këto komente i bëri gjatë një interviste dhënë agjencisë serbe të lajmeve Tanjug, transmeton Telegrafi.

“Kur të shohim vullnet të qartë për fillimin e procesit të formimit të Asociacionit të komunave serbe siç janë dakorduar palët në Bruksel, e jo improvizime e trillime, atëherë do të ekzistojë një arsye që ne t’i kthehemi institucioneve të Kosovës dhe të punojmë në atë që e konsiderojmë që është shumë e rëndësishme për ne”, ka shtuar Stojanoviq.

Rrëfehet Behgjet Pacolli: Ja sa është pasuria ime

Biznesmeni kosovar, Behgjet Pacolli, ishte i ftuari i brumjes në ‘Opinion’, ku foli dhe për pasurinë e tij. Pavarësisht këmbënguljes së drejtuesit të emisionit, Pacolli nuk tregoi se sa është pasuria reale e tij, por la të nënkuptohej se është disa miliardë euro.

“Pasuria ime kalon disa miliardë euro. Nuk ua them dot sa saktësisht, por është disa miliardë…”, ka deklaruar Pacolli.

Obama rikthehet President?

Zgjedhjet presidenciale në Francë janë duke u afruar dhe kandidatët janë tre. I pari është Francois Fillon, ish-Kryeministër në kohën Presidentit Sarkozy,  tjetri është një emër i pavarur, Emanuel Macron, ndërsa e fundit është euroskeptikja, Marine Le Pen.

Pra janë tre alternativat që u ofrohen francezëve për të votuar deri më tani, por duket se asnjëra prej tyre nuk ua mbush mendjen.

Dhe për të gjetur kandidatin ideal dhe të preferuar prej tyre, francezët po shohin përtej kufijve të tyre, të paktën një grup aktivistësh, që kanë hapur një faqe në internet dhe nën sloganin “Oui on peut”, siç thuhet në frëngjisht slogani i famshëm i Barack Obamas, “Yes we can”, transmeton tch.

Aktivistët kërkojnë të grumbullojnë 1 milionë firma në kërkesën që i adresohet ish-Presidentit të Shteteve të Bashkuara që të bëhet edhe njëherë tjetër President, por këtë radhë jo i Shtëpisë së Bardhë, por i Elizesë.

Organizatorët e peticionit janë me këmbë në tokë dhe të vetëdijshëm për mundësitë që kjo të ndodhë vërtetë (shtuar këtu edhe argumentet e vendlindjes, që këtë herë do të ishin të bazuara), por thonë se misioni i tyre është ndërgjegjësimi i njerëzve dhe për të shkundur klasën politike vendase.

PARALAJMËRON Gazetari shqiptar: 5 ditët e ardhshme janë të rrezikshme! JA PSE: (VIDEO)

Gazetari Dardan Islami ka qene i ftuem ne Rrokum Roll te Televizionit Rrokum.
Ai ka thane se tensionet e diteve te fundit nuk jane mes Kosoves dne Serbise, por ne mes te Rusise dhe NATO’s.
Megjithate, tue fole per incidentin me trenin ilegal serb, Islami vlereson se krejt ne Kosove e kane dhane provimin lidhun me kete ngjarje.

“Duhet me pas kujdes nga keto zhvillime sepse jane lojna te rrezikshme dhe permbajne skenare lufte”, shprehet Islami.

Islami ka thane ne mes tjerash se, 5 ditet e ardhshme jane te rrezikshme ne prizmin e zhvillimeve te ndryshme.

Ai thote se pritet nji kaos i madh ne vende te ndryshme.

Një boshnjak dhe një shqiptare akuzohen për dhunim të një gruaje në Pejë

Policia e Kosovës njofton se në Pejë ka arrestuar dy persona, nën dyshimin se kanë detyruar një grua të kryejë marrëdhënie seksuale pa dëshirën e saj.

“Janë arrestuar dy të dyshuar, një mashkull boshnjak dhe një femër shqiptare, pasi që sipas viktimës femër shqiptare pa dëshirën e saj e kanë detyruar të kryejë marrëdhënie seksuale me të dyshuarit”, përcjell Koha.net raportin 24 orësh të PK-së.

“Me vendim të prokurorit, të dyshuarit pas intervistimit janë liruar në procedurë të rregullt”, thuhet më tej në njoftim.

Nëna e paralizuar, vajza dyvjeçare e ndihmon për të larë rrobat (Foto/Video)

Të merresh me larjen e rrobave nuk është gjë edhe aq interesante, por për gruan nga Karolina Veriore, e njohur si “Nusja e paralizuar”, kjo gjë duket më shumë se interesante – e gjitha kjo falë vajzës së saj.

Siç shkruajnë mediat e huaja, përcjell Telegrafi, Kaylees – e cila në muajin prill bëhet dy vjeçe – i pëlqen për të ndihmuar nënën e saj, Rachelle Chapman, të ndajë rrobat dhe t’i fusë ato në makinën larëse.

Dhe videoja ku shihet vogëlushja, duke ndihmuar nënën e saj në karrocë për të larë rrobat bashkë, është shpërndarë me të madhe në rrjetet sociale, duke u pëlqyer shumë, gjithashtu.

Chapman, 31 vjeçe, ishte paralizuar nga gjoksi poshtë pas një aksidenti të frikshëm në një pishinë, gjatë një mbrëmje në Bachelori.

Ajo dhe burri i saj Chris, 34, janë të lumtur që kanë Kayleen, duke falënderuar një shoqeje që shërbeu si surrogate për çiftin.